Library › Hinduism › The Rig Veda in Sanskrit
The Rig Veda in Sanskrit · 1 passage
दीदयदित तुभ्यं सोमेभिः सुन्वन दभीतिरिध्मभ्र्तिः पक्थ्यर्कैः || dyaurna ya indrābhi bhūmāryastasthau rayiḥ śavasā pṛtsu janān | taṃ naḥ sahasrabharamurvarāsāṃ daddhi sūno sahaso vṛtraturam || divo na tubhyamanvindra satrāsuryaṃ devebhirdhāyi viśvam | ahiṃ yad vṛtramapo vavrivāṃsaṃ hannṛjīṣin viṣṇunāsacānaḥ || tūrvannojīyān tavasastavīyān kṛtabrahmendro vṛddhamahāḥ | rājābhavan madhunaḥ somyasya viśvāsāṃ yat purāṃ dartnumāvat || śatairapadran paṇaya indrātra daśoṇaye kavaye.arkasātau | vadhaiḥ śuṣṇasyāśuṣasya māyāḥ pitvo nārirecīt kiṃcana pra || maho druho apa viśvāyu dhāyi vajrasya yat patane pādi śuṣṇaḥ | uru ṣa sarathaṃ sārathaye karindraḥ kutsāya sūryasya sātau || pra śyeno na madiramaṃśumasmai śiro dāsasya namucermathāyan | prāvan namīṃ sāpyaṃ sasantaṃ pṛṇagh rāyā samiṣā saṃ svasti || vi piprorahimāyasya dṛḷhāḥ puro vajriñchavasā na dardaḥ | sudāman tad rekṇo apramṛṣyaṃ ṛjiśvane dātraṃ dāśuṣe dāḥ || sa vetasuṃ daśamāyaṃ daśoṇiṃ tūtujimindraḥ svabhiṣṭisumnaḥ | ā tughraṃ śaśvadibhaṃ dyotanāya māturna sīmupa sṛjā iyadhyai || sa īṃ spṛdho vanate apratīto bibhrad vajraṃ vṛtrahaṇaṃ ghabhastau | tiṣṭhad dharī adhyasteva gharte vacoyujā vahata indraṃ ṛṣvam || sanema te.avasā navya indra pra pūrava stavanta enā yajñaiḥ | sapta yat puraḥ śarma śāradīrdard dhan dāsīḥ purukutsāya śikṣan || tvaṃ vṛdha indra pūrvyo bhūrvarivasyannuśane kāvyāya | parā navavāstvamanudeyaṃ mahe pitre dadātha svaṃ napātam || tvaṃ dhunirindra ... || tava ha tyadindra viṣvamājau sasto dhunīcumurī yā ha siṣvap | dīdayadit tubhyaṃ somebhiḥ sunvan dabhītiridhmabhṛtiḥ pakthyarkaiḥ ||
Source: Internet Sacred Text Archive, file hin/rvsan/rv06020.htm.
Ask a question