Rig Veda Book 9: Hymn 108

जुष्टो मित्राय वरुणाय वायवे दिवो विष्टम्भ उत्तमः || pavasva madhumattama indrāya soma kratuvittamo madaḥ | mahi dyukṣatamo madaḥ || yasya te pītvā vṛṣabho vṛṣāyate.asya pītā svarvidaḥ | sa supraketo abhyakramīdiśo.achā vājaṃ naitaśaḥ || tvaṃ hyangha daivyā pavamāna janimāni dyumattamaḥ | amṛtatvāya ghoṣayaḥ || yenā navaghvo dadhyannaporṇute yena viprāsa āpire | devānāṃ sumne amṛtasya cāruṇo yena śravāṃsyānaśuḥ || eṣa sya dhārayā suto.avyo vārebhiḥ pavate madintamaḥ | krīḷannūrmirapāmiva || ya usriyā apyā antaraśmano nirghā akṛntadojasā | abhivrajaṃ tatniṣe ghavyamaśvyaṃ varmīva dhṛṣṇavā ruja || ā sotā pari ṣiñcatāśvaṃ na stomamapturaṃ rajasturam | vanaṛkṣamudaprutam || sahasradhāraṃ vṛṣabhaṃ payovṛdhaṃ priyaṃ devāya janmane | ṛtena ya ṛtajāto vivāvṛdhe rājā deva ṛtaṃ bṛhat || abhi dyumnaṃ bṛhad yaśa iṣas pate didīhi deva devayuḥ | vikośaṃ madhyamaṃ yuva || ā vacyasva sudakṣa camvoḥ suto viśāṃ vahnirna viśpatiḥ | vṛṣṭiṃ divaḥ pavasva rītimapāṃ jinvā ghaviṣṭaye dhiyaḥ || etamu tyaṃ madacyutaṃ sahasradhāraṃ vṛṣabhaṃ divo duhuḥ | viśvā vasūni bibhratam || vṛṣā vi jajñe janayannamartyaḥ pratapañ jyotiṣā tamaḥ | sa suṣṭutaḥ kavibhirnirṇijaṃ dadhe tridhātvasya daṃsasā || sa sunve yo vasūnāṃ yo rāyāmānetā ya iḷānām | somoyaḥ sukṣitīnām || yasya na indraḥ pibād yasya maruto yasya vāryamaṇā bhaghaḥ | ā yena mitrāvaruṇā karāmaha endramavase mahe || indrāya soma pātave nṛbhiryataḥ svāyudho madintamaḥ | pavasva madhumattamaḥ || indrasya hārdi somadhānamā viśa samudramiva sindhavaḥ | juṣṭo mitrāya varuṇāya vāyave divo viṣṭambha uttamaḥ ||