Rig Veda Book 9: Hymn 68

पर देवमछा मधुमन्त इन्दवो.असिष्यदन्त गाव आ न धेनवः | बर्हिषदो वचनावन्त ऊधभिः परिस्रुतमुस्रियानिर्णिजं धिरे || स रोरुवदभि पूर्वा अचिक्रददुपारुहः शरथयन सवादतेहरिः | तिरः पवित्रमप्रियन्नुरु जरयो नि शर्याणि दधते देव आ वरम || वि यो ममे यम्या संयती मदः साकंव्र्धा पयसा पिन्वदक्षिता | मही अपारे रजसी विवेविददभिव्रजन्नक्षितं पाज आ ददे || स मातरा विचरन वाजयन्नपः पर मेधिरः सवधया पिन्वते पदम | अंशुर्यवेन पिपिशे यतो नर्भिः सं जामिभिर्नसते रक्षते शिरः || सं दक्षेण मनसा जायते कविरतस्य गर्भो निहितो यमा परः | यूना ह सन्ता परथमं वि जज्ञतुर्गुहा हितं जनिम नेममुद्यतम || मन्द्रस्य रूपं विविदुर्मनीषिणः शयेनो यदन्धो अभरत परावतः | तं मर्जयन्त सुव्र्धं नदीष्वा उशन्तमंशुं परियन्तं रग्मियम || तवां मर्जन्ति दश योषणः सुतं सोम रषिभिर्मतिभिर्धीतिभिर्हितम | अव्यो वारेभिरुत देवहूतिभिर्न्र्भिर्यतोवाजमा दर्षि सातये || परिप्रयन्तं वय्यं सुषंसदं सोमं मनीषा अभ्यनूषत सतुभः | यो धारया मधुमानूर्मिणा दिव इयर्ति वाचं रयिषाळ अमर्त्यः || अयं दिव इयर्ति विश्वमा रजः सोमः पुनानः कलशेषु सीदति | अद्भिर्गोभिर्म्र्ज्यते अद्रिभिः सुतः पुनान इन्दुर्वरिवो विदत परियम || एवा नः सोम परिषिच्यमानो वयो दधच्चित्रतमं पवस्व | अद्वेषे दयावाप्र्थिवी हुवेम देवा धत्त रयिमस्मे सुवीरम || pra devamachā madhumanta indavo.asiṣyadanta ghāva ā na dhenavaḥ | barhiṣado vacanāvanta ūdhabhiḥ parisrutamusriyānirṇijaṃ dhire || sa roruvadabhi pūrvā acikradadupāruhaḥ śrathayan svādatehariḥ | tiraḥ pavitramapriyannuru jrayo ni śaryāṇi dadhate deva ā varam ||

vi yo mame yamyā saṃyatī madaḥ sākaṃvṛdhā payasā pinvadakṣitā | mahī apāre rajasī vivevidadabhivrajannakṣitaṃ pāja ā dade || sa mātarā vicaran vājayannapaḥ pra medhiraḥ svadhayā pinvate padam | aṃśuryavena pipiśe yato nṛbhiḥ saṃ jāmibhirnasate rakṣate śiraḥ || saṃ dakṣeṇa manasā jāyate kavirtasya gharbho nihito yamā paraḥ | yūnā ha santā prathamaṃ vi jajñaturghuhā hitaṃ janima nemamudyatam || mandrasya rūpaṃ vividurmanīṣiṇaḥ śyeno yadandho abharat parāvataḥ | taṃ marjayanta suvṛdhaṃ nadīṣvā uśantamaṃśuṃ pariyantaṃ ṛghmiyam || tvāṃ mṛjanti daśa yoṣaṇaḥ sutaṃ soma ṛṣibhirmatibhirdhītibhirhitam | avyo vārebhiruta devahūtibhirnṛbhiryatovājamā darṣi sātaye || pariprayantaṃ vayyaṃ suṣaṃsadaṃ somaṃ manīṣā abhyanūṣata stubhaḥ | yo dhārayā madhumānūrmiṇā diva iyarti vācaṃ rayiṣāḷ amartyaḥ || ayaṃ diva iyarti viśvamā rajaḥ somaḥ punānaḥ kalaśeṣu sīdati | adbhirghobhirmṛjyate adribhiḥ sutaḥ punāna indurvarivo vidat priyam || evā naḥ soma pariṣicyamāno vayo dadhaccitratamaṃ pavasva | adveṣe dyāvāpṛthivī huvema devā dhatta rayimasme suvīram ||