Rig Veda Book 9: Hymn 23

सोमा अस्र्ग्रमाशवो मधोर्मदस्य धारया | अभि विश्वानिकाव्या || अनु परत्नास आयवः पदं नवीयो अक्रमुः | रुचे जनन्त सूर्यम || आ पवमान नो भरार्यो अदाशुषो गयम | कर्धि परजावतीरिषः || अभि सोमास आयवः पवन्ते मद्यं मदम | अभि कोशं मधुश्चुतम || सोमो अर्षति धर्णसिर्दधान इन्द्रियं रसम | सुवीरो अभिशस्तिपाः || इन्द्राय सोम पवसे देवेभ्यः सधमाद्यः | इन्दो वाजं सिषाससि || अस्य पीत्वा मदानामिन्द्रो वर्त्राण्यप्रति | जघान जघनच्च नु || somā asṛghramāśavo madhormadasya dhārayā | abhi viśvānikāvyā || anu pratnāsa āyavaḥ padaṃ navīyo akramuḥ | ruce jananta sūryam || ā pavamāna no bharāryo adāśuṣo ghayam | kṛdhi prajāvatīriṣaḥ || abhi somāsa āyavaḥ pavante madyaṃ madam | abhi kośaṃ madhuścutam || somo arṣati dharṇasirdadhāna indriyaṃ rasam | suvīro abhiśastipāḥ || indrāya soma pavase devebhyaḥ sadhamādyaḥ | indo vājaṃ siṣāsasi || asya pītvā madānāmindro vṛtrāṇyaprati | jaghāna jaghanacca nu ||