Library › Hinduism › The Rig Veda in Sanskrit
The Rig Veda in Sanskrit · 1 passage
आ ये वयो न वर्व्र्तत्यामिषि गर्भीता बाह्वोर्गवि || tvāmid dhi havāmahe sātā vājasya kāravaḥ | tvāṃ vṛtreṣvindra satpatiṃ narastvāṃ kāṣṭhāsvarvataḥ || sa tvaṃ naścitra vajrahasta dhṛṣṇuyā maha stavāno adrivaḥ | ghāmaśvaṃ rathyamindra saṃ kira satrā vājaṃ na jighyuṣe || yaḥ satrāhā vicarṣaṇirindraṃ taṃ hūmahe vayam | sahasramuṣka tuvinṛmṇa satpate bhavā samatsu no vṛdhe || bādhase janān vṛṣabheva manyunā ghṛṣau mīḷha ṛcīṣama | asmākaṃ bodhyavitā mahādhane tanūṣvapsu sūrye || indra jyeṣṭhaṃ na ā bharanojiṣṭhaṃ papuri śravaḥ | yeneme citra vajrahasta rodasī obhe suśipra prāḥ || tvāmughramavase carṣaṇīsahaṃ rājan deveṣu hūmahe | viśvā su no vithurā pibdanā vaso.amitrān suṣahān kṛdhi || yadindra nāhuṣīṣvānojo nṛmṇaṃ ca kṛṣṭiṣu | yad vāpañca kṣitīnāṃ dyumnamā bhara satrā viśvāni pauṃsyā || yad vā tṛkṣau maghavan druhyāvā jane yat pūrau kacca vṛṣṇyam | asmabhyaṃ tad rirīhi saṃ nṛṣāhye.amitrān pṛtsuturvaṇe || indra tridhātu śaraṇaṃ trivarūthaṃ svastimat | chardiryacha maghavadbhyaśca mahyaṃ ca yāvayā didyumebhyaḥ || ye ghavyatā manasā śatrumādabhurabhipraghnanti dhṛṣṇuyā | adha smā no maghavannindra ghirvaṇastanūpā antamo bhava || adha smā no vṛdhe bhavendra nāyamavā yudhi | yadantarikṣepatayanti parṇino didyavastighmamūrdhānaḥ || yatra śūrāsastanvo vitanvate priyā śarma pitṝṇām | adha smā yacha tanve tane ca chardiracittaṃ yāvaya dveṣaḥ || yadindra sarghe arvataścodayāse mahādhane | asamane adhvanivṛjine pathi śyenāniva śravasyatah || sindhūnriva pravaṇa āśuyā yato yadi klośamanu ṣvaṇi | ā ye vayo na varvṛtatyāmiṣi ghṛbhītā bāhvorghavi ||
Source: Internet Sacred Text Archive, file hin/rvsan/rv06046.htm.
Ask a question