Rig Veda Book 6: Hymn 34

सं च तवे जग्मुर्गिर इन्द्र पूर्वीर्वि च तवद यन्ति विभ्वोमनीषाः | पूरा नूनं च सतुतय रषीणां पस्प्र्ध्र इन्द्रे अध्युक्थार्का || पुरुहूतो यः पुरुगूर्त रभ्वानेकः पुरुप्रशस्तो अस्ति यज्ञैः | रथो न महे शवसे युजानो.अस्माभिरिन्द्रो अनुमाद्यो भूत || न यं हिंसन्ति धीतयो न वाणीरिन्द्रं नक्षन्तीदभि वर्धयन्तीः | यदि सतोतारः शतं यत सहस्रं गर्णन्ति गिर्वणसं शं तदस्मै || अस्मा एतद दिव्यर्चेव मासा मिमिक्ष इन्द्रे नययामि सोमः | जनं न धन्वन्नभि सं यदापः सत्रा वाव्र्धुर्हवनानि यज्ञैः || अस्मा एतन मह्याङगूषमस्मा इन्द्राय सतोत्रं मतिभिरवाचि | असद यथा महति वर्त्रतूर्य इन्द्रो विश्वायुरविता वर्धश्च || saṃ ca tve jaghmurghira indra pūrvīrvi ca tvad yanti vibhvomanīṣāḥ | pūrā nūnaṃ ca stutaya ṛṣīṇāṃ paspṛdhra indre adhyukthārkā || puruhūto yaḥ purughūrta ṛbhvānekaḥ purupraśasto asti yajñaiḥ | ratho na mahe śavase yujāno.asmābhirindro anumādyo bhūt || na yaṃ hiṃsanti dhītayo na vāṇīrindraṃ nakṣantīdabhi vardhayantīḥ | yadi stotāraḥ śataṃ yat sahasraṃ ghṛṇanti ghirvaṇasaṃ śaṃ tadasmai || asmā etad divyarceva māsā mimikṣa indre nyayāmi somaḥ | janaṃ na dhanvannabhi saṃ yadāpaḥ satrā vāvṛdhurhavanāni yajñaiḥ || asmā etan mahyāṅghūṣamasmā indrāya stotraṃ matibhiravāci | asad yathā mahati vṛtratūrya indro viśvāyuravitā vṛdhaśca ||