Rig Veda Book 6: Hymn 29

इन्द्रं वो नरः सख्याय सेपुर्महो यन्तः सुमतये चकानाः | महो हि दाता वज्रहस्तो अस्ति महामु रण्वमवसे यजध्वम || आ यस्मिन हस्ते नर्या मिमिक्षुरा रथे हिरण्यये रथेष्ठाः | आ रश्मयो गभस्त्यो सथूरयोराध्वन्नश्वासो वर्षणो युजानाः || शरिये ते पादा दुव आ मिमिक्षुर्ध्र्ष्णुर्वज्री शवसा दक्षिणावान | वसानो अत्कं सुरभिं दर्शे कं सवर्ण नर्तविषिरो बभूथ || स सोम आमिश्लतमः सुतो भूद यस्मिन पक्तिः पच्यते सन्तिधानाः | इन्द्रं नर सतुवन्तो बरह्मकारा उक्था शंसन्तो देववाततमाः || न ते अन्तः शवसो धाय्यस्य वि तु बाबधे रोदसी महित्वा | आ ता सूरिः पर्णति तूतुजानो यूथेवाप्सु समीजमान ऊती || एवेदिन्द्रः सुहव रष्वो अस्तूती अनूती हिरिशिप्रः सत्वा | एवा हि जातो असमात्योजाः पुरू च वर्त्रा हनति नि दस्यून || indraṃ vo naraḥ sakhyāya sepurmaho yantaḥ sumataye cakānāḥ | maho hi dātā vajrahasto asti mahāmu raṇvamavase yajadhvam || ā yasmin haste naryā mimikṣurā rathe hiraṇyaye ratheṣṭhāḥ | ā raśmayo ghabhastyo sthūrayorādhvannaśvāso vṛṣaṇo yujānāḥ || śriye te pādā duva ā mimikṣurdhṛṣṇurvajrī śavasā dakṣiṇāvān | vasāno atkaṃ surabhiṃ dṛśe kaṃ svarṇa nṛtaviṣiro babhūtha || sa soma āmiślatamaḥ suto bhūd yasmin paktiḥ pacyate santidhānāḥ | indraṃ nara stuvanto brahmakārā ukthā śaṃsanto devavātatamāḥ || na te antaḥ śavaso dhāyyasya vi tu bābadhe rodasī mahitvā | ā tā sūriḥ pṛṇati tūtujāno yūthevāpsu samījamāna ūtī || evedindraḥ suhava ṛṣvo astūtī anūtī hiriśipraḥ satvā | evā hi jāto asamātyojāḥ purū ca vṛtrā hanati ni dasyūn ||