Library › Hinduism › The Rig Veda in Sanskrit
The Rig Veda in Sanskrit · 1 passage
यतः पूर्वां इव सखींर अनु हवय गिरा गर्णीहि कामिनः || ko veda jānam eṣāṃ ko vā purā sumneṣv āsa marutām | yad yuyujre kilāsyaḥ || aitān ratheṣu tasthuṣaḥ kaḥ śuśrāva kathā yayuḥ | kasmai sasruḥ sudāse anv āpaya iḷābhir vṛṣṭayaḥ saha || te ma āhur ya āyayur upa dyubhir vibhir made | naro maryā arepasa imān paśyann iti ṣṭuhi || ye añjiṣu ye vāśīṣu svabhānavaḥ srakṣu rukmeṣu khādiṣu | śrāyā ratheṣu dhanvasu || yuṣmākaṃ smā rathāṃ anu mude dadhe maruto jīradānavaḥ | vṛṣṭī dyāvo yatīr iva || ā yaṃ naraḥ sudānavo dadāśuṣe divaḥ kośam acucyavuḥ | vi parjanyaṃ sṛjanti rodasī anu dhanvanā yanti vṛṣṭayaḥ || tatṛdānāḥ sindhavaḥ kṣodasā rajaḥ pra sasrur dhenavo yathā | syannā aśvā ivādhvano vimocane vi yad vartanta enyaḥ || ā yāta maruto diva āntarikṣād amād uta | māva sthāta parāvataḥ || mā vo rasānitabhā kubhā krumur mā vaḥ sindhur ni rīramat | mā vaḥ pari ṣṭhāt sarayuḥ purīṣiṇy asme īt sumnam astu vaḥ || taṃ vaḥ śardhaṃ rathānāṃ tveṣaṃ ghaṇam mārutaṃ navyasīnām | anu pra yanti vṛṣṭayaḥ || śardhaṃ-śardhaṃ va eṣāṃ vrātaṃ-vrātaṃ ghaṇaṃ-ghaṇaṃ suśastibhiḥ | anu krāmema dhītibhiḥ || kasmā adya sujātāya rātahavyāya pra yayuḥ | enā yāmena marutaḥ || yena tokāya tanayāya dhānyam bījaṃ vahadhve akṣitam | asmabhyaṃ tad dhattana yad va īmahe rādho viśvāyu saubhagham || atīyāma nidas tiraḥ svastibhir hitvāvadyam arātīḥ | vṛṣṭvī śaṃ yor āpa usri bheṣajaṃ syāma marutaḥ saha || sudevaḥ samahāsati suvīro naro marutaḥ sa martyaḥ | yaṃ trāyadhve syāma te || stuhi bhojān stuvato asya yāmani raṇan ghāvo na yavase | yataḥ pūrvāṃ iva sakhīṃr anu hvaya ghirā ghṛṇīhi kāminaḥ ||
Source: Internet Sacred Text Archive, file hin/rvsan/rv05053.htm.
Ask a question