Library › Hinduism › The Rig Veda in Sanskrit
The Rig Veda in Sanskrit · 2 passages
इतीमम अग्निम अम्र्ता अवोचन बर्हिष्मते मनवे शर्म यंसद धविष्मते मनवे शर्म यंसत || kumāram mātā yuvatiḥ samubdhaṃ ghuhā bibharti na dadāti pitre | anīkam asya na minaj janāsaḥ puraḥ paśyanti nihitam aratau || kam etaṃ tvaṃ yuvate kumāram peṣī bibharṣi mahiṣī jajāna | pūrvīr hi gharbhaḥ śarado vavardhāpaśyaṃ jātaṃ yad asūta mātā || hiraṇyadantaṃ śucivarṇam ārāt kṣetrād apaśyam āyudhā mimānam | dadāno asmā amṛtaṃ vipṛkvat kim mām anindrāḥ kṛṇavann anukthāḥ || kṣetrād apaśyaṃ sanutaś carantaṃ sumad yūthaṃ na puru śobhamānam | na tā aghṛbhrann ajaniṣṭa hi ṣaḥ paliknīr id yuvatayo bhavanti || ke me maryakaṃ vi yavanta ghobhir na yeṣāṃ ghopā araṇaś cid āsa | ya īṃ jaghṛbhur ava te sṛjantv ājāti paśva upa naś cikitvān || vasāṃ rājānaṃ vasatiṃ janānām arātayo ni dadhur martyeṣu | brahmāṇy atrer ava taṃ sṛjantu ninditāro nindyāso bhavantu || śunaś cic chepaṃ niditaṃ sahasrād yūpād amuñco aśamiṣṭa hi ṣaḥ | evāsmad aghne vi mumughdhi pāśān hotaś cikitva iha tū niṣadya || hṛṇīyamāno apa hi mad aiyeḥ pra me devānāṃ vratapā uvāca | indro vidvāṃ anu hi tvā cacakṣa tenāham aghne anuśiṣṭa āghām || vi jyotiṣā bṛhatā bhāty aghnir āvir viśvāni kṛṇute mahitvā | prādevīr māyāḥ sahate durevāḥ śiśīte śṛṅghe rakṣase vinikṣe || uta svānāso divi ṣantv aghnes tighmāyudhā rakṣase hantavā u | made cid asya pra rujanti bhāmā na varante paribādho adevīḥ || etaṃ te stomaṃ tuvijāta vipro rathaṃ na dhīraḥ svapā atakṣam |
yadīd aghne prati tvaṃ deva haryāḥ svarvatīr apa enā jayema || tuvighrīvo vṛṣabho vāvṛdhāno 'śatrv aryaḥ sam ajāti vedaḥ | itīmam aghnim amṛtā avocan barhiṣmate manave śarma yaṃsad dhaviṣmate manave śarma yaṃsat ||
Source: Internet Sacred Text Archive, file hin/rvsan/rv05002.htm.
Ask a question