Library › Hinduism › The Rig Veda in Sanskrit
The Rig Veda in Sanskrit · 2 passages
वस्वो रायः पुरुश्चन्द्रस्य भूयसः परजावतः सवपत्यस्य शग्धि नः || ये सतोत्र्भ्यो ... || yajñena vardhata jātavedasamaghniṃ yajadhvaṃ haviṣā tanā ghirā | samidhānaṃ suprayasaṃ svarṇaraṃ dyukṣaṃ hotāraṃvṛjaneṣu dhūrṣadam || abhi tvā naktīruṣaso vavāśire.aghne vatsaṃ na svasareṣudhenavaḥ | diva ivedaratirmānuṣā yughā kṣapo bhāsi puruvāra saṃyataḥ || taṃ devā budhne rajasaḥ sudaṃsasaṃ divaspṛthivyoraratiṃnyerire | rathamiva vedyaṃ śukraśociṣamaghniṃ mitraṃ nakṣitiṣu praśaṃsyam || tamukṣamāṇaṃ rajasi sva ā dame candramiva surucaṃ hvāra ā dadhuḥ | pṛśnyāḥ pataraṃ citayantamakṣabhiḥ pātho na pāyuṃ janasī ubhe anu || sa hotā viśvaṃ pari bhūtvadhvaraṃ tamu havyairmanuṣa ṛñjate ghirā | hiriśipro vṛdhasānāsu jarbhurad dyaurna stṛbhiścitayad rodasī anu || sa no revat samidhānaḥ svastaye sandadasvān rayimasmāsu dīdihi | ā naḥ kṛṇuṣva suvitāya rodasī aghne havyā manuṣodeva vītaye || dā no aghne bṛhato dāḥ sahasriṇo duro na vājaṃ śrutyā apā vṛdhi | prācī dyāvāpṛthivī brahmaṇā kṛdhi svarṇa śukramuṣaso vi didyutaḥ || sa idhāna uṣaso rāmyā anu svarṇa dīdedaruṣeṇa bhānunā | hotrābhiraghnirmanuṣaḥ svadhvaro rājā viśāmatithiścārurāyave || evā no aghne amṛteṣu pūrvya dhīṣ pīpāya bṛhaddiveṣu mānuṣā | duhānā dhenurvṛjaneṣu kārave tmanā śatinaṃ pururūpamiṣaṇi || vayamaghne arvatā vā suvīryaṃ brahmaṇā vā citayemā janānati | asmākaṃ dyumnamadhi pañca kṛṣṭiṣūccā svarṇaśuśucīta duṣṭaram || sa no bodhi sahasya praśaṃsyo yasmin sujātā iṣayanta sūrayaḥ |
yamaghne yajñamupayanti vājino nitye toke dīdivāṃsaṃ sve dame || ubhayāso jātavedaḥ syāma te stotāro aghne sūrayaśca śarmaṇi | vasvo rāyaḥ puruścandrasya bhūyasaḥ prajāvataḥ svapatyasya śaghdhi naḥ || ye stotṛbhyo ... ||
Source: Internet Sacred Text Archive, file hin/rvsan/rv02002.htm.
Ask a question