Library › Hinduism › The Rig Veda in Sanskrit
The Rig Veda in Sanskrit · 2 passages
अस्तोढ्वं सतोम्या बरह्मणा मे.अवीव्र्धध्वमुशतीरुषासः | युष्माकं देवीरवसा सनेम सहस्रिणं च शतिनं चवाजम || uṣā uchantī samidhāne aghnā udyan sūrya urviyā jyotiraśret | devo no atra savitā nvarthaṃ prāsāvīd dvipat pra catuṣpadityai || aminatī daivyāni vratāni praminatī manuṣyā yughāni | īyuṣīṇāmupamā śaśvatīnāmāyatīnāṃ prathamoṣā vyadyaut || eṣā divo duhitā pratyadarśi jyotirvasānā samanā purastāt | ṛtasya panthāmanveti sādhu prajānatīva na diśo mināti || upo adarśi śundhyuvo na vakṣo nodhā ivāvirakṛta priyāṇi | admasan na sasato bodhayantī śaśvattamāghāt punareyuṣīṇām || pūrve ardhe rajaso aptyasya ghavāṃ janitryakṛta pra ketum | vyu prathate vitaraṃ varīya obhā pṛṇantī pitrorupasthā || evedeṣā purutamā dṛśe kaṃ nājāmiṃ na pari vṛṇakti jāmim | arepasā tanvā śāśadānā nārbhādīṣate na mahovibhātī || abhrāteva puṃsa eti pratīcī ghartārughiva sanaye dhanānām | jāyeya patya uśatī suvāsā uṣā hasreva ni riṇīte apsaḥ || svasā svasre jyāyasyai yonimāraighapaityasyāḥ praticakṣyeva | vyuchantī raśmibhiḥ sūryasyāñjyaṅkte samanaghā ivavrāḥ || āsāṃ pūrvāsāmahasu svasṝṇāmaparā pūrvāmabhyeti paścāt | tāḥ pratnavan navyasīrnūnamasme revaduchantu sudinā uṣāsaḥ || pra bodhayoṣaḥ pṛṇato maghonyabudhyamānāḥ paṇayaḥ sasantu | revaducha maghavadbhyo maghoni revat stotre sūnṛte jārayantī || aveyamaśvaid yuvatiḥ purastād yuṅkte ghavāmaruṇānāmanīkam | vi nūnamuchādasati pra keturghṛhaṃ-ghṛhamupa tiṣṭhāte aghniḥ ||
ut te vayaścid vasaterapaptan naraśca ye pitubhājo vyuṣṭau | amā sate vahasi bhūri vāmamuṣo devi dāśuṣe martyāya || astoḍhvaṃ stomyā brahmaṇā me.avīvṛdhadhvamuśatīruṣāsaḥ | yuṣmākaṃ devīravasā sanema sahasriṇaṃ ca śatinaṃ cavājam ||
Source: Internet Sacred Text Archive, file hin/rvsan/rv01124.htm.
Ask a question