Library › Hinduism › The Rig Veda in Sanskrit
The Rig Veda in Sanskrit · 3 passages
nāsatyābhyāṃ barhiriva pra vṛñje stomāniyarmyabhriyeva vātaḥ | yāvarbhaghāya vimadāya jāyāṃ senājuvā nyūhatūrathena || vīḷupatmabhirāśuhemabhirvā devānāṃ vā jūtibhiḥ śāśadānā | tad rāsabho nāsatyā sahasramājā yamasya pradhane jighāya || tughro ha bhujyumaśvinodameghe rayiṃ na kaścin mamṛvānavāhāḥ | tamūhathurnaubhirātmanvatībhirantarikṣaprudbhirapodakābhiḥ || tisraḥ kṣapastrirahātivrajadbhirnāsatyā bhujyumūhathuḥ pataṃghaiḥ | samudrasya dhanvannārdrasya pāre tribhī rathaiḥ śatapadbhiḥ ṣaḷaśvaiḥ || anārambhaṇe tadavīrayethāmanāsthāne aghrabhaṇe samudre | yadaśvinā ūhathurbhujyumastaṃ śatāritrāṃ nāvamātasthivāṃsam || yamaśvinā dadathuḥ śvetamaśvamaghāśvāya śaśvaditsvasti | tad vāṃ dātraṃ mahi kīrtenyaṃ bhūt paidvo vājīsadamid dhavyo aryaḥ || yuvaṃ narā stuvate pajriyāya kakṣīvate aradataṃ purandhim | kārotarācchaphādaśvasya vṛṣṇaḥ śataṃ kumbhānasiñcataṃ surāyāḥ || himenāghniṃ ghraṃsamavārayethāṃ pitumatīmūrjamasmā adhattam | ṛbīse atrimaśvināvanītamun ninyathuḥ sarvaghaṇaṃ svasti || parāvataṃ nāsatyānudethāmuccābudhnaṃ cakrathurjihmabāram | kṣarannāpo na pāyanāya rāye sahasrāya tṛṣyate ghotamasya || jujuruṣo nāsatyota vavriṃ prāmuñcataṃ drāpimiva cyavānāt | prātirataṃ jahitasyāyurdasrādit patimakṛṇutaṃ kanīnām || tad vāṃ narā śaṃsyaṃ rādhyaṃ cābhiṣṭiman nāsatyā varūtham | yad vidvāṃsā nidhimivāpaghūḷhamud darśatādūpathurvandanāya || tad vāṃ narā sanaye daṃsa ughramāviṣ kṛṇomi tanyaturnavṛṣṭim |
tad vāṃ narā sanaye daṃsa ughramāviṣ kṛṇomi tanyaturnavṛṣṭim | dadhyaṃ ha yan madhvātharvaṇo vāmaśvasya śīrṣṇā pra yadīmuvāca || ajohavīn nāsatyā karā vāṃ mahe yāman purubhujā purandhiḥ | śrutaṃ tacchāsuriva vadhrimatyā hiraṇyahastamaśvināvadattam || āsno vṛkasya vartikāmabhīke yuvaṃ narā nāsatyāmumuktam | uto kaviṃ purubhujā yuvaṃ ha kṛpamāṇamakṛṇutaṃ vicakṣe || caritraṃ hi verivāchedi parṇamājā khelasya paritakmyāyām | sadyo jaṅghāmāyasīṃ viśpalāyai dhane hite sartavepratyadhattam || śataṃ meṣān vṛkye cakṣadānaṃ ṛjrāśvaṃ taṃ pitāndhaṃcakāra | tasmā akṣī nāsatyā vicakṣa ādhattaṃ dasrā bhiṣajāvanarvan || ā vāṃ rathaṃ duhitā sūryasya kārṣmevātiṣṭhadarvatājayantī | viśve devā anvamanyata hṛdbhiḥ samu śriyā nāsatyā sacethe || yadayātaṃ divodāsāya vartirbharadvājāyāśvinā hayantā | revaduvāha sacano ratho vāṃ vṛṣabhaśca śiṃśumāraśca yuktā || rayiṃ sukṣatraṃ svapatyamāyuḥ suvīryaṃ nāsatyā vahantā | ā jahnāvīṃ samanasopa vājaistrirahno bhāghaṃ dadhatīmayātam || pariviṣṭaṃ jāhuṣaṃ viśvataḥ sīṃ sughebhirnaktamūhathū rajobhiḥ | vibhindunā nāsatyā rathena vi parvatānajarayū ayātam || ekasyā vastorāvataṃ raṇāya vaśamaśvinā sanaye sahasrā | nirahataṃ duchunā indravantā pṛthuśravaso vṛṣaṇāvarātīḥ || śarasya cidārcatkasyāvatādā nīcāduccā cakrathuḥ pātave vāḥ | śayave cin nāsatyā śacībhirjasuraye staryaṃ pipyathurghām || avasyate stuvate kṛṣṇiyāya ṛjūyate nāsatyā śacībhiḥ | paśuṃ na naṣṭamiva darśanāya viṣṇāpvaṃ dadathurviśvakāya ||
daśa rātrīraśivenā nava dyūnavanaddhaṃ śnathitamapsvantaḥ | viprutaṃ rebhamudani pravṛktamun ninyathuḥ somamiva sruveṇa || pra vāṃ daṃsāṃsyaśvināvavocamasya patiḥ syāṃ sughavaḥ suvīraḥ | uta paśyannaśnuvan dīrghamāyurastamivejjarimāṇaṃ jaghamyām ||
Source: Internet Sacred Text Archive, file hin/rvsan/rv01116.htm.
Ask a question