Library › Hinduism › The Rig Veda in Sanskrit
The Rig Veda in Sanskrit · 1 passage
सुनीथाय नः शवसान नोधाः परातर मक्षू धियावसुर जगम्यात|| pra manmahe śavasānāya śūṣamāṅghūṣaṃ ghirvaṇase aṅghirasvat | suvṛktibhiḥ stuvata ṛghmiyāyārcāmārkaṃ nare viśrutāya || pra vo mahe mahi namo bharadhvamāṅghūṣyaṃ śavasānāya sāma | yenā naḥ pūrve pitaraḥ padajñā arcanto aṅghiraso ghā avindan || indrasyāṅghirasāṃ ceṣṭau vidat saramā tanayāya dhāsim | bṛhaspatirbhinadadriṃ vidad ghāḥ samusriyābhirvāvaśanta naraḥ || sa suṣṭubhā sa stubhā sapta vipraiḥ svareṇādriṃ svaryo navaghvaiḥ | saraṇyubhiḥ phalighamindra śakra valaṃ raveṇadarayo daśaghvaiḥ || ghṛṇāno aṅghirobhirdasma vi varuṣasā sūryeṇa ghobhirandhaḥ | vi bhūmyā aprathaya indra sānu divo raja uparamastabhāyaḥ || tadu prayakṣatamamasya karma dasmasya cārutamamasti daṃsaḥ | upahvare yaduparā apinvan madhvarṇaso nadyaścatasraḥ || dvitā vi vavre sanajā sanīḷe ayāsya stavamānebhirarkaiḥ | bhagho na mene parame vyomannadhārayad rodasī sudaṃsāḥ || sanād divaṃ pari bhūmā virūpe punarbhuvā yuvatī svebhirevaiḥ | kṛṣṇebhiraktoṣā ruśadbhirvapurbhirā carato anyānyā || sanemi sakhyaṃ svapasyamānaḥ sūnurdādhāra śavasā sudaṃsāḥ | āmāsu cid dadhiṣe pakvamantaḥ payaḥ kṛṣṇāsu ruśad rohiṇīṣu || sanāt sanīlā avanīravātā vratā rakṣante amṛtāḥ sahobhiḥ | purū sahasrā janayo na patnīrduvasyanti svasāro ahrayāṇam || sanāyuvo namasā navyo arkairvasūyavo matayo dasma dadruḥ | patiṃ na patnīruśatīruśantaṃ spṛśanti tvā śavasāvanmanīṣāḥ || sanādeva tava rāyo ghabhastau na kṣīyante nopa dasyanti dasma | dyumānasi kratumānindra dhīraḥ śikṣā śacīvastava naḥ śacībhiḥ || sanāyate ghotama indra navyamatakṣad brahma hariyojanāya | sunīthāya naḥ śavasāna nodhāḥ prātar makṣū dhiyāvasur jaghamyāt||
Source: Internet Sacred Text Archive, file hin/rvsan/rv01062.htm.
Ask a question