Library › Hinduism › The Rig Veda in Sanskrit
The Rig Veda in Sanskrit · 2 passages
तवं तयेभिरा गहि वाजेभिर्दुहितर्दिवः | अस्मे रयिं निधारय || ā va indraṃ kriviṃ yathā vājayantaḥ śatakratum | maṃhiṣṭhaṃ siñca indubhiḥ || śataṃ vā yaḥ śucīnāṃ sahasraṃ vā samāśirām | edu nimnaṃ na rīyate || saṃ yan madāya śuṣmiṇa enā hyasyodare | samudro na vyaco dadhe || ayamu te samatasi kapota iva gharbhadhim | vacastaccin na ohase || stotraṃ rādhānāṃ pate ghirvāho vīra yasya te | vibhūtirastusūnṛtā || ūrdhvastiṣṭhā na ūtaye.asmin vāje śatakrato | samanyeṣu bravāvahai || yoghe-yoghe tavastaraṃ vāje-vāje havāmahe | sakhāya indramūtaye || ā ghā ghamad yadi śravat sahasriṇībhirūtibhiḥ | vājebhirupa no havam || anu pratnasyaukaso huve tuvipratiṃ naram | yaṃ te pūrvaṃ pitā huve || taṃ tvā vayaṃ viśvavārā śāsmahe puruhūta | sakhe vaso jaritṛbhyaḥ || asmākaṃ śipriṇīnāṃ somapāḥ somapāvnām | sakhe vajrin sakhīnām || tathā tadastu somapāḥ sakhe vajrin tathā kṛṇu | yathā ta uśmasīṣṭaye || revatīrnaḥ sadhamāda indre santu tuvivājāḥ | kṣumanto yābhirmadema || ā gha tvāvān tmanāpta stotṛbhyo dhṛṣṇaviyānaḥ | ṛṇorakṣaṃ na cakryoh || ā yad duvaḥ śatakratavā kāmaṃ jaritṝṇām | ṛṇorakṣaṃ na śacībhiḥ || śaśvadindraḥ popruthadbhirjighāya nānadadbhiḥ śāśvasadbhirdhanāni | sa no hiraṇyarathaṃ daṃsanāvān sa naḥ sanitā sanaye sa no.adāt || āśvināvaśvāvatyeṣā yataṃ śavīrayā ghomad dasrā hiraṇyavat || samānayojano hi vāṃ ratho dasrāvamartyaḥ | samudre aśvineyate || vyaghnyasya mūrdhani cakraṃ rathasya yemathuḥ |
pari dyāmanyadīyate || kasta uṣaḥ kadhapriye bhuje marto amartye | kaṃ nakṣase vibhāvari || vayaṃ hi te amanmahyāntādā parākāt | aśve na citre aruṣi || tvaṃ tyebhirā ghahi vājebhirduhitardivaḥ | asme rayiṃ nidhāraya ||
Source: Internet Sacred Text Archive, file hin/rvsan/rv01030.htm.
Ask a question